Í þessum kafla eru athuganir og allar upplýsingar úr viðtölum teknar saman í heildstæðu, eigindlegu mati á virkni skynfæra. Matið byggir á sviðunum í norrænu skilgreiningunni og á að lýsa því hvernig samsett skynskerðing hefur áhrif á athafnir, þátttöku og samskipti.
6.1 Eigindleg lýsing
Á grundvelli athugunarvísa er afleiðingum skynskerðingarinnar lýst og tekið tillit til þess hvernig skynfærin geta bætt hvert annað upp.
Ef einstaklingurinn dregur úr notkun sjónar og/eða heyrnar þegar líkamlegt snertiskyn er virkjað, til dæmis við skoðun á hlutum eða við aðrar aðstæður, er því lýst. Lýsingin byggir á því hvernig þetta birtist í athöfnum og hegðun einstaklingsins.
Lýsið einnig hvort svo virðist sem einstaklingurinn noti eitthvert skynfæri í einu umhverfi en ekki öðru, til dæmis heima en ekki í skóla.
Lýsið því hvernig samsett skynskerðing hefur áhrif á orkustig einstaklingsins. Hefur skynskerðingin afleiðingar fyrir tækifæri og getu einstaklingsins til að taka virkan þátt í félagslífi?
Í tengslum við starfrænt mat á líkamlegu snertiskyni getur verið gagnlegt að íhuga eftirfarandi spurningar:
Eru einhverjar sérstakar forsendur sem geta haft áhrif á matið á líkamlegu snertiskyni?
6.2 Mat matsaðila
Á grundvelli heildarmatsins er metið hvort einstaklingurinn teljist vera með fötlunina daufblindu og hvort þörf sé á frekara mati, eftirfylgni eða íhlutun.