Athugun er beitt þegar einstaklingurinn sem verið er að meta getur ekki sjálfur miðlað upplýsingum um hvernig hann nýtir skynfærin. Aðferðin veitir innsýn í hagnýta notkun skynfæra með kerfisbundnum athugunum í daglegum aðstæðum. Efnið inniheldur eyðublöð með athugunarvísum ásamt fylgitextum sem útskýra nánar hvað einstakir vísar fela í sér.
Efnið er ætlað til að greina starfræna daufblindu og tekur ekki til annarra afleiðinga skynmissis. Slíkt mat krefst notkunar viðbótarmatstækja, til dæmis sálfræðimats eða kortlagningar á athöfnum daglegs lífs (ADL).